Isang matapang na hakbang ang ginawa ni Sebastian Duterte, kilala rin bilang Baste Duterte, matapos maghain ng sunod-sunod na kasong kriminal laban sa ilang matataas na opisyal ng pamahalaan.
“Hindi ako mananahimik habang nilalapastangan ang karapatan ng aking ama at ng ating bansa. Kailangang managot ang mga responsable.” -Sebastian Duterte
Sa pamamagitan ng kanyang abogado na si Israelito Torreon, isinumite niya ang mga reklamo sa Office of the Ombudsman for Mindanao kaugnay ng pag-aresto at kalaunan ay pag-turn over sa kanyang ama na si dating Pangulong Rodrigo Duterte sa International Criminal Court (ICC).
Kabilang sa mga sinampahan ng kaso ay ang mga sumusunod na matataas na opisyal ng gobyerno:
Jesus Crispin Remulla (Justice Secretary)
Jonvic Remulla (DILG Secretary)
Gilbert Teodoro (Defense Secretary)
Eduardo Año (National Security Adviser)
Nicholas Felix Ty (Justice Undersecretary)
Rommel Francisco Marbil (dating PNP Chief)
Nicolas Torre III (PNP Chief)
Markus Lacanilao
Richard Anthony Fadullon (Prosecutor)
Jean Fajardo (PNP Spokesperson, Police Gen.)
Ang mga opisyal na ito ay iniugnay ni Baste sa umano’y “illegal arrest, arbitrary detention, qualified direct assault, at paglabag sa Anti-Graft and Corrupt Practices Act” na may kaugnayan sa pagkakaaresto ng dating Pangulo.
Ayon kay Baste Duterte, hindi lamang ito laban para sa kanyang ama kundi para rin sa karapatan ng bawat Pilipino laban sa pang-aabuso ng kapangyarihan. Mariin niyang iginiit na ang ginawa sa dating Pangulo ay isang malinaw na pagyurak sa due process at soberenya ng bansa.
Ang hakbang ni Sebastian Duterte ay nagpahiwatig ng isang matinding hamon laban sa mga mataas na opisyal ng gobyerno na sangkot umano sa kontrobersyal na pag-aresto kay Rodrigo Duterte. Habang marami ang naghihintay kung paano tutugunan ng Ombudsman ang mga kasong ito, nagpapakita ito ng determinasyon ni Baste na ipaglaban ang panig ng kanyang ama at ng kanilang pamilya.
Walang komento:
Mag-post ng isang Komento