Isang nakakagulat ngunit kinikilig na balita ang ibinahagi ng showbiz reporter na si Ogie Diaz, matapos niyang isiwalat sa kanyang bagong video na ayon sa kanyang source, opisyal nang magkarelasyon ang mga Kapamilya stars na sina Daniel Padilla at Kaila Estrada.
Nilinaw ni Ogie na bagaman may kumpirmasyon mula sa kanyang source, dapat pa ring magmula kina Daniel at Kaila ang opisyal na pahayag.
“May source na nagsabi sa akin, pero siyempre, mas maganda pa rin kung sa kanila mismo manggaling. Basta ang malinaw, pareho silang single — walang nasasaktan,” saad ni Ogie.
Matapos ang hiwalayan nina Kathryn Bernardo at Daniel Padilla na kilala bilang isa sa mga pinakatanyag na tambalang umusbong sa showbiz, maraming fans ang nabigla at hindi inaasahang agad na maiuugnay si Daniel sa iba. Ngunit ayon kay Ogie, pareho nang single ang dalawa at walang niloloko o sinasaktan.
Ayon sa mga ulat, nakilala na rin umano ni Daniel ang ama ni Kaila, ang batikang aktor na si John Estrada. Mula pa noong nagsasama sila sa action series na Incognito, napansin na ng mga manonood ang pagiging malapit ng dalawa sa isa’t isa bagay na lalo pang naging kapansin-pansin hanggang sa matapos ang dalawang season ng palabas.
Bumuhos ang mga reaksyon ng mga netizens may mga kinikilig at excited para sa bagong tambalan, ngunit mayroon ding nalulungkot pa rin sa pagtatapos ng KathNiel love team na minahal ng maraming taon.
Ang balitang ito tungkol kina Daniel Padilla at Kaila Estrada ay patunay na sa kabila ng mga pagtatapos, may mga bagong simula ring naghihintay. Bagaman marami pa ang naghihintay ng kumpirmasyon mula mismo sa kanila, ipinapakita nitong may karapatan ang bawat isa na muling magmahal at sumubok ng panibagong yugto ng buhay.
Walang komento:
Mag-post ng isang Komento