Isang nakakatuwang sorpresa ang ibinahagi ng aktres na si Judy Ann Santos sa kanyang mga customers matapos maglunsad ng libreng babysitting service sa kanyang Angrydobo.
Sa isang video na ibinahagi sa kanyang opisyal na Facebook page, makikitang buong lambing niyang karga ang isang sanggol na tinawag niyang “cutest customer.”
Biro pa niya: “May ganito po kaming babysitting services… gusto ko namang ma-enjoy ng family ‘yung dinner nila lalo na kapag may bagong baby.”
“Bilang isang nanay, alam ko kung gaano kahirap kumain sa labas kapag may baby. Gusto ko lang matulungan ang mga magulang na makapag-enjoy din kahit sandali.”
Layunin ni Judy Ann na ma-enjoy ng mga pamilya, lalo na ng mga bagong magulang, ang kanilang pagkain nang hindi nai-stress sa pag-aalaga habang kumakain.
Ipinapakita nito na hindi lang pagkain kundi malasakit din sa pamilya ang iniaalok ng kanyang restawran. Maraming netizens ang naaliw at humanga sa inisyatibang ito, lalo na’t bihirang makakita ng mga restaurant na may ganitong klaseng serbisyo.
Ayon sa mga komento online, sana raw ay maging inspirasyon si Judy Ann para sa iba pang negosyante na magpatupad ng family-friendly services upang mas mapadali ang buhay ng mga magulang na nais lamang makapag-relax at makakain nang tahimik kasama ang kanilang pamilya.
Ang simpleng hakbang na ito ni Judy Ann Santos ay patunay na ang matagumpay na negosyo ay hindi lamang nakasalalay sa masarap na pagkain, kundi sa pusong handang magmalasakit. Sa pagbibigay ng libreng babysitting, nagbigay siya ng kakaibang aliw at ginhawa sa mga pamilyang gustong magsalo-salo nang walang alalahanin
Walang komento:
Mag-post ng isang Komento