Sa gitna ng kontrobersiya kaugnay ng mga proyektong flood control na sangkot ang ilang malalaking construction companies, nilinaw ng lifestyle vlogger at entrepreneur na si Camille Co na wala siyang kaugnayan sa pamilyang Co na nasasangkot sa isyu.
"Nililinaw ko po, wala akong kinalaman sa pamilyang iyon. Hindi ako heiress, at lahat ng meron ako ay galing sa sariling trabaho at sakripisyo. I’m just a hardworking kween." -Camille Co
Viral ngayon sa social media ang pangalan ni Claudine Co, anak ni dating Ako Bicol Representative Christopher Co at pamangkin ni incumbent Ako Bicol Representative Elizaldy “Zaldy” Co. Ang pamilya ay konektado sa mga kumpanyang kabilang sa Top 15 construction companies na nakakuha ng bilyun-bilyong kontrata mula sa Department of Public Works and Highways (DPWH) para sa flood control, kalsada, tulay, at gusali mula 2023 hanggang 2025.
Kasabay ng pagkakaladkad ng pangalan ni Claudine sa anomalya, ilang netizens ang nag-akala na si Camille ay kamag-anak din ng pamilya. Agad itong nilinaw ng vlogger: “I’m not an heiress. I’m just a hardworking kween.”
Si Claudine Co ay naging laman ng balita matapos kuwestyunin ang marangyang pamumuhay na kanyang ibinabahagi sa social media—mga biyahe gamit ang private plane, sunod-sunod na bakasyon abroad, at koleksyon ng mga designer clothes at bags na nagkakahalaga ng milyon-milyon. Dahil dito, inaakusahan ang kanyang pamilya na galing umano sa kaban ng bayan ang kanilang luho.
Samantala, si Camille Co ay nanindigan na ang kanyang kasikatan at tagumpay ay bunga ng kanyang sariling sipag, tiyaga, at talento sa content creation at negosyo.
Ang paglilinaw ni Camille Co ay patunay na mahalaga ang transparency at integridad, lalo na kapag nadadamay ang pangalan ng isang tao sa isyu ng ibang pamilya. Sa halip na manahimik, pinili niyang magsalita at ipagtanggol ang sarili upang ipakita na ang kanyang tagumpay ay sariling sikap, hindi pribilehiyo.
Walang komento:
Mag-post ng isang Komento