Nagbigay ng pahayag ang Popstar Royalty na si Sarah Geronimo kaugnay ng kontrobersiyang bumabalot sa mga flood control projects ng Department of Public Works and Highways (DPWH). Sa kanyang simpleng ngunit matapang na komento, sinabi ng singer-actress na ramdam mismo ng taumbayan ang epekto ng mga tinipid na proyekto.
Ayon kay Sarah, hindi lingid sa kanyang mata at karanasan bilang isang ordinaryong mamamayan ang epekto ng mahinang kalidad ng ilang proyekto.
“’Yung kalsada noon, hindi na-absorb yung tubig kasi tinipid. Kapag ganito ang sitwasyon, hindi lang trapik ang dulot, kundi panganib sa maraming pamilya,” ani Sarah.
“Bilang mamamayan, naniniwala ako na dapat laging inuuna ang kaligtasan ng tao kaysa sa pagtitipid. Ang kalsada at flood projects ay hindi lang dapat tapusin dapat siguraduhin ding matibay at maayos para hindi tayo magdusa tuwing umuulan.”
Ang pahayag ni Sarah ay sumasalamin sa hinaing ng maraming Pilipino na hanggang ngayon ay nakararanas ng malalang pagbaha kahit malaki ang pondong inilaan ng gobyerno para rito. Para sa kanya, mahalagang tiyakin na ang bawat piso mula sa kaban ng bayan ay napupunta sa tamang proyekto at hindi nauuwi sa pagkakakitaan ng iilan.
Bilang isang respetadong personalidad, ang paglabas ni Sarah ng ganitong saloobin ay nagbigay inspirasyon sa kanyang mga tagahanga at kapwa mamamayan. Pinapakita lamang nito na bukod sa musika, ginagamit din niya ang kanyang boses upang magtawag ng pananagutan at malasakit para sa bayan.
Ang pahayag ni Sarah Geronimo laban sa tinipid na flood control projects ay nagsilbing paalala na ang boses ng mga artista ay may bigat sa pagbibigay ng kamalayan sa publiko. Hindi lang ito simpleng opinyon, kundi panawagan para sa mas tapat at makabuluhang serbisyo publiko.
Walang komento:
Mag-post ng isang Komento