Isang malaking milestone ang naabot ng aktres at TV host na si Ruffa Gutierrez matapos niyang ibahagi sa Instagram na siya ay opisyal nang nakapagtapos ng kolehiyo. Sa edad na 48, nakuha niya ang kanyang Bachelor’s Degree in Communication Arts mula sa Philippine Women’s University (PWU) sa ilalim ng Expanded Tertiary Education Equivalency and Accreditation Program (ETEEAP).
“I humbly want to share that I have graduated with a bachelor’s degree in Communication Arts from PWU. This is just the beginning—I am now officially an MA-ComArts student. Dreams do come true, basta may sipag at tiwala sa sarili.” -Ruffa Gutierrez
Sa kanyang post, ibinahagi ni Ruffa ang kanyang official graduation photo at sinimulan ito ng makapangyarihang quote:
“Don’t downgrade your dream just to fit your reality. Upgrade your conviction to match your destiny.”
Ipinahayag niya ang pasasalamat sa PWU at sa lahat ng kanyang mga mahal sa buhay na sumuporta sa kanyang educational journey.
Ayon kay Ruffa, excited siya para sa gaganaping 99th Commencement Exercises ng PWU sa Philippine International Convention Center (PICC) sa susunod na linggo.
Hindi natatapos dito ang kanyang paglalakbay sa edukasyon dahil inanunsyo rin niya na siya ay opisyal nang nag-enroll sa master’s degree (MA Communication Arts) sa parehong unibersidad.
Ang kwento ni Ruffa ay nagpapatunay na hindi hadlang ang edad sa pagtupad ng mga pangarap. Bilang isang celebrity mom na abala rin sa showbiz at pamilya, nagbigay siya ng inspirasyon sa maraming Pilipino na patuloy na mangarap at magsikap.
Walang komento:
Mag-post ng isang Komento