Hindi napigilan ni Erwin Tulfo ang kanyang emosyon matapos ang kanyang pagkapanalo bilang bagong halal na senador. Matapos ang proklamasyon, agad siyang nagtungo sa puntod ng kanyang ina, si Caridad Teshiba Tulfo, upang ialay ang kanyang tagumpay.
“Ma, ito na po ‘yun. Tinupad ko ang ipinangako ko sa inyo noon pa. Alam kong gabay mo ako mula sa langit. Ang tagumpay na ito ay hindi lang para sa akin, kundi para sa inyo at sa lahat ng Pilipinong naniniwala pa rin sa tapat na paglilingkod.” -Erwin Tulfo
Sa isang Facebook post, ibinahagi ni Tulfo ang larawan niya habang hawak ang certificate of proclamation at nakatayo sa tabi ng puntod ng ina. Kalakip ng larawan ang maiksing ngunit damdaming pahayag:
“I made it, Mom. Thank you for your prayers then and even now in heaven. I love you forever, Mom.”
Ayon kay Tulfo, malaki ang naging bahagi ng kanyang ina sa pagkatao niya ngayon—lalo na sa kanyang paninindigan, dedikasyon sa serbisyo, at pagmamahal sa kapwa.
Ngayong senador na, magsasama sila ng kapatid niyang si Raffy Tulfo sa Senado, habang ang isa pa nilang kapatid na si Ben Tulfo ay hindi pinalad sa halalan.
Sa kanyang mensahe, sinabi ni Erwin na hindi siya titigil hangga’t hindi niya naibabalik ang tiwala ng taong bayan sa gobyerno. At sa lahat ng tagumpay na kanyang matatamasa, ang unang inaalala niya ay ang kanyang ina.
Sa likod ng bawat tagumpay, may puso pa ring marunong lumingon sa pinanggalingan. Ang simpleng pagbabalik ni Erwin Tulfo sa puntod ng kanyang ina ay simbolo ng pagtanaw ng utang na loob at pagmamahal na walang hanggan.
Hindi man naabutan ng kanyang ina ang sandaling ito, naniniwala si Erwin na gabay siya nito sa bawat hakbang ng kanyang karera. Ang tagumpay ay hindi lamang sukatan ng boto—ito’y sukatan ng puso, alaala, at panata para sa bayan.
Walang komento:
Mag-post ng isang Komento