Sa gitna ng ingay ng social media at mga kontrobersiya sa iba't ibang sulok ng lipunan, isang simpleng tanong mula sa boxing legend at dating senador na si Manny Pacquiao ang nagpainit sa puso ng libo-libong netizens.
“Kumain ka na ba?”
Iyan ang sinabi ni Pacquiao sa isang security guard na naka-duty para sa content creator na si N3on, sa isang viral na video na kumakalat ngayon online. Makikita sa video kung paanong lumapit si Manny sa guard at nang malamang hindi pa ito kumakain, agad niya itong binigyan ng pagkain mula sa kanilang lamesa.
Hindi ito scripted, walang drama, walang pa-camera isang natural na kilos mula sa taong kilala hindi lang sa kanyang kamao kundi sa malambot na puso para sa kapwa.
“Alam ko kung paano ang pakiramdam ng gutom, kaya kung may pagkakataon ako, gusto ko laging tumulong kahit sa maliit na bagay lang lalo na sa mga nagtatrabaho ng tapat,” — Manny Pacquiao
Minsan, hindi kailangan ng milyon-milyong donasyon o engrandeng programa para makatulong. Isang tanong, isang pinggan, at isang malasakit lang mula sa puso ang sapat para iparamdam sa iba na hindi sila nakakalimutan.
Sa simpleng gawaing ito, pinatunayan muli ni Manny Pacquiao na hindi lang siya pambansang kamao, kundi pambansang inspirasyon sa kabutihan ng puso.
Tunay ngang may laban pa rin si Manny hindi sa ring, kundi sa pagiging mabuting tao sa labas nito.
Walang komento:
Mag-post ng isang Komento