Viral ngayon sa social media ang isang video na kuha sa gitna ng pagdiriwang ng Wattah-Wattah Festival kung saan makikita ang isang lalaki na sinadyang buhusan ng tubig ang isang delivery rider na nakasuot ng kapote o raincoat.
Pahayag mula sa Rider (hindi pinangalanan):
“Nagtrabaho lang po ako. Hindi ko naman po sila sinabihan ng masama, pero sana naman respetuhin ‘yung naka-kapote. Hindi lahat ng tao gustong mabasa, lalo na kung may dalang gamit.”
Bagama’t bahagi ng tradisyon ng naturang selebrasyon ang basaan, umani ng batikos ang nasabing lalaki dahil sa kawalan umano ng konsiderasyon. Ang rider ay malinaw na naka-raincoat palatandaang hindi siya sang-ayon sa makisali sa basaan.
Maraming netizens ang nagpaabot ng pagkadismaya, at ilan ay nagkomento ng:
“Wala sa lugar. Hindi porke’t tradisyon, wala nang boundary.”
“Respeto naman sana sa mga taong nagtatrabaho at ayaw mabasa.”
“Yung naka-kapote na nga, ibig sabihin may dahilan. Hinay-hinay lang sa kasiyahan.”
Ilang netizens rin ang nagsabing sana ay turuan ang suspek ng leksyon at ipakita sa publiko na may limitasyon ang selebrasyon at dapat hindi ito maging dahilan para apak-apakan ang karapatan ng iba, lalo na sa mga nagtatrabaho.
Ang Wattah-Wattah Festival ay kilala sa masayang basaan na may layuning ipaalala ang kahalagahan ng bautismo. Ngunit paalala rin ng mga eksperto at opisyal na ang anumang tradisyon ay dapat isinasagawa nang may respeto sa kapwa.
Habang maganda ang intensyon ng tradisyon gaya ng Wattah-Wattah Festival, mahalagang panatilihin ang respeto sa kapwa, lalo na sa mga taong may ibang layunin tulad ng paghahanapbuhay. Ang viral na insidenteng ito ay paalala sa lahat: Ang kasiyahan ay hindi dapat isinasakripisyo ang dignidad ng iba. Sana ay magsilbing aral ito sa bawat isa sa atin na ang tunay na selebrasyon ay may kasamang respeto.
Walang komento:
Mag-post ng isang Komento