Sa gitna ng mga bulung-bulungan at kontrobersiyang bumabalot sa sabay-sabay na pagbibitiw ng ilang miyembro ng Gabinete, mariing sinabi ni President Ferdinand "Bongbong" Marcos Jr. na hindi siya kailanman tatalikod sa kanyang responsibilidad bilang Pangulo ng Pilipinas.
“Ang lider ay hindi basta sumusuko sa kalagitnaan ng gulo. Ang tunay na lider ay humaharap sa problema, hindi tinatakbuhan ito,” dagdag pa ni Marcos Jr.
Sa isang pagtitipon na ginanap kamakailan, tinanong si PBBM kung iniisip ba niyang magbitiw sa puwesto, kasunod ng mass resignation ng ilan sa kanyang gabinete. Ang naging sagot niya ay direkta at walang paliguy-ligoy:
"Bakit ko gagawin 'yun? Wala sa ugali ko ang tinatakbuhan ang problema."
Mula nang inanunsyo ang sabay-sabay na pagbibitiw ng ilang miyembro ng gabinete ni Marcos Jr., marami ang nagtatanong kung ito na nga ba ang senyales ng kawalan ng koordinasyon o pagtutol sa administrasyon.
Bagama’t wala pang opisyal na listahan ang Malacañang ng mga opisyal na nagbitiw, umaalingawngaw na ang tanong sa publiko.
Nilinaw rin niya na ang kanyang pananatili sa puwesto ay hindi para sa sariling kapangyarihan, kundi para sa kapakanan ng sambayanang Pilipino na nagtitiwala sa kanya.
Ang matatag na posisyon ng Pangulo ay maaaring magsilbing hudyat sa mga natitirang opisyal ng gobyerno na manatiling nakatuon sa tungkulin sa kabila ng mga kontrobersiya.
Ngunit para sa oposisyon at kritiko, ito ay isa na namang hakbang patungo sa political polarization, kung saan lumalalim ang agwat ng suporta at pagtutol sa kanyang administrasyon.
Sa kabila ng mga hamon at sabay-sabay na pagbibitiw sa kanyang gabinete, nananatiling matatag si Pangulong Bongbong Marcos Jr. sa kanyang paninindigan — hindi niya iiwan ang kanyang posisyon sa gitna ng unos.
"Hindi ako niluklok ng bayan para lang tumalikod sa laban. Kaya hangga’t may tiwala ang tao, mananatili akong nakatayo bilang kanilang lider," pagtatapos ni PBBM.
Walang komento:
Mag-post ng isang Komento