Sa isang tapat at emosyonal na post sa Instagram, ibinahagi ng aktres na si Mika Dela Cruz ang kanyang personal na pakikipaglaban sa isyu ng timbang. Ayon kay Mika, sinubukan na niya ang iba’t ibang diet at workout regimen, ngunit tila walang gumagana para sa kanyang kalusugan.
“I’ve tried everything… but still nothing worked,” ani Mika sa kanyang caption.
“Hindi ko na alam kung anong gagawin ko dati. Pero nung isinuko ko na lahat kay Jesus, doon nagsimulang magbago ang pananaw ko. Hindi ko man agad nakita sa katawan ko ang resulta, pero sa puso ko, alam kong gumagaan na. Ang sarap pala sa pakiramdam kapag tinanggap mo na hindi mo kailangang maging perpekto.” — Mika Dela Cruz
Dahil dito, dumaan umano siya sa isang mahirap na proseso ng self-doubt at insecurity, lalo na sa mundong kanyang ginagalawan kung saan panlabas na anyo ay madalas na pinapansin.
Ngunit ang mas lalong nakaantig sa mga netizens ay ang kanyang pananampalatayang bumangon sa gitna ng pagsubok. Ibinunyag ni Mika na isinuko niya sa Diyos ang kanyang pag-aalala at hiniling na matutunan niyang makita ang sarili gaya ng pagkakakita ng Diyos sa kanya—puno ng pagmamahal, kabutihan, at layunin.
“I gave it to Jesus and asked Him to help me see myself the way He did. Not what the world keeps on throwing at me.”
Tinawag ni Mika ang kanyang karanasan bilang isa sa pinakamalaking "plot twist" ng 2025, at isang magandang simula sa kanyang mas positibong paglalakbay sa buhay.
Sa gitna ng kaliwa’t kanang pamantayan ng kagandahan, pinatunayan ni Mika Dela Cruz na ang tunay na pagbabago at kapayapaan ay hindi lamang nagmumula sa pisikal na anyo, kundi sa pananampalataya at pagtanggap sa sarili. Marami ang naka-relate at na-inspire sa kanyang kwento—isang paalala na hindi tayo nag-iisa sa ating mga pinagdadaanan, at may Diyos tayong masasandalan.
Walang komento:
Mag-post ng isang Komento