Sa gitna ng isinasagawang Cabinet shakeup bilang bahagi ng recalibration ng administrasyon, hindi nagpahuli si Pangulong Ferdinand “Bongbong” Marcos Jr. sa pagpapatawa — kahit seryoso ang sitwasyon.
Habang nagbibigay ng talumpati sa isang event para sa presentation ng mga bagong batas, binati ng Pangulo ang mga opisyal ng pamahalaan sa audience ngunit agad siyang nagbiro ukol sa kakulangan ng mga miyembro ng Gabinete na kasalukuyang dumadaan sa pagsusuri.
“Teka, may laman pa ba ‘yung Gabinete ko? Who am I addressing now? We are in flux,” patawang sinabi ni Marcos habang tinatawanan ng mga dumalo.
Ang biro ni Marcos ay tumutukoy sa kanyang kamakailang direktiba na lahat ng miyembro ng Gabinete ay magsumite ng courtesy resignation, upang muling masuri ang performance ng bawat isa batay sa bago at mas agresibong direksyon ng pamahalaan.
Sinabi ng Palasyo na ito ay bahagi ng transition from establishment to performance-driven leadership, kasunod ng midterm elections kung saan naging mas malinaw umano ang mga hinahanap ng taumbayan sa gobyerno.
"Alam kong maraming nagtatanong kung bakit may Cabinet shakeup. Simple lang — ang serbisyo publiko ay hindi para sa kampihan, kundi para sa resulta. Kaya kung tatanungin ninyo ako kung sino pa ang natitira sa Gabinete — ang sagot ko: 'Yung mga nagtatrabaho at naglilingkod nang tapat para sa taumbayan.'" - Pangulong Ferdinand “Bongbong” Marcos Jr.
Habang nakakatawa para sa ilan, ang biro ay sumasalamin sa mabilis na pagbabagong nangyayari sa loob ng administrasyon. Maraming nagsasabing hindi ito simpleng pagpapalit lang ng mga opisyal, kundi malinaw na mensahe na seryoso si PBBM sa pagpapatupad ng reporma sa pamahalaan.
Sa isang simpleng biro, naipahayag ni Pangulong Bongbong Marcos Jr. ang seryosong layunin ng kanyang pamahalaan — ang maglinis, mag-ayos, at paghusayin pa ang serbisyo ng bawat departamento. Sa panahon kung saan hinahanap ng mga Pilipino ang mabilis, tapat, at epektibong pamumuno, malinaw na ang Cabinet shakeup ay hindi lamang political move, kundi isang strategic reset.
Walang komento:
Mag-post ng isang Komento