Umani ng matinding reaksyon online ang Facebook post ni Precy Vitug-Ejercito, asawa ng dating senador na si Jinggoy Estrada, matapos niyang ibulgar ang diumano’y kakila-kilabot na karanasan sa isang mamahaling resort sa Boracay — ang Mövenpick Resort & Spa.
"Hindi ko ginusto na gawin itong publiko, pero sa isang premium resort na katulad ng Mövenpick, hindi ko inasahan na makakaranas ako ng ganito. Hindi ito simpleng reklamo — ito ay panawagan para sa tamang serbisyo, respeto sa bisita, at pagpapanatili ng kalidad. Sana’y maging aral ito sa lahat ng establisyimento na ang bawat bisita, sikat man o hindi, ay dapat tinatrato nang maayos at propesyonal." -Precy Vitug-Ejercito
Ayon kay Ejercito, imbes na maging masaya at relaks ang kanyang inaasam na bakasyon, ito ay nasira dahil sa presensya ng isang malaki at mabahong ipis sa bathtub, sirang flush ng toilet, at hindi maayos na housekeeping.
“Is this for real?! A huge, smelly cockroach in my bathtub!!! And the smell of the cockroach lingering throughout the entire bathroom!!!” galit na pahayag ni Ejercito.
“You’ve ruined my vacation, Mövenpick Boracay!”
Dagdag pa ni Precy, matapos niya itong i-report, isang staff ang pinadala para ayusin ang toilet ngunit lalong nasira ang flush mechanism, dahilan para hindi na ito magamit.
“Ang masama, sinubukan pa nilang ayusin pero mas lalong hindi na ako makapag-flush. Sa ganitong presyo ng villa, dapat premium ang serbisyo,” dagdag niya.
Bukod pa rito, nagreklamo rin si Ejercito sa walang koordinasyong pagpasok ng mga staff sa kanyang villa, na aniya'y labis na nakaapekto sa kanyang privacy.
“Housekeeping is not up to standard. The cleanliness is very, very disappointing,” giit pa niya.
Agad namang naglabas ng public apology ang pamunuan ng Mövenpick Boracay matapos mag-viral ang reklamo ni Ejercito.
“We are deeply alarmed and truly sorry for the distress you experienced. You deserved better from us,” saad ng hotel sa kanilang opisyal na pahayag.
Ipinangako rin ng resort na magsasagawa ng “immediate steps” upang ayusin ang proseso ng kanilang serbisyo at tiniyak na ito ay isang isolated case at hindi sumasalamin sa karaniwang feedback ng kanilang mga bisita.
Ang naging karanasan ni Precy Vitug-Ejercito sa Mövenpick Boracay ay nagbigay-diin sa kahalagahan ng kalidad at consistency sa serbisyong hotel, lalo na kung ito ay high-end o luxury resort. Sa panahon kung saan isang post lang ay maaaring mag-viral at makasira ng reputasyon, dapat ay laging nasa mataas na pamantayan ang kalinisan, customer service, at respeto sa privacy ng bisita.
Walang komento:
Mag-post ng isang Komento