Nagkaroon ng kontrobersya online matapos maglabas ng patama post ang social media influencer na si Christian Antolin laban sa isang kilalang personalidad na ayon sa kanya ay nagpakita ng hindi kaaya-ayang asal sa gitna ng BINI Concert. Ang post ni Antolin ay agad na nag-viral, nagdulot ng diskusyon sa social media, at umani ng samu’t saring reaksyon mula sa netizens.
Sa kanyang post, ikinuwento ni Antolin ang umano’y hindi magandang karanasan niya habang katabi ang pamilya ng isang artista sa nasabing concert. Ayon sa kanya, nasa dulo siya ng row ng mga upuan, at paulit-ulit umanong dumadaan ang buong pamilya ng nasabing artista. Ang ikinainis niya ay ang kawalan umano ng pasabi o simpleng "excuse me" mula sa kanila habang pabalik-balik sa kanilang mga upuan.
Ayon pa kay Antolin:
"So may nakatabi akong artista sa BINI concert tapos nasa dulo ako ng upuan. Di ko lang kinakaya yung ugali kasi kapag aalis sila buong pamilya sa inupuan nila, tapos kapag babalik, di man lang magsabi ng ‘excuse me’ ni isa sa kanila. Like, hello? Pipi na ba kayo? Nabili nyo ba yung buong row??"
Sa dulo ng kanyang post, nagbigay pa siya ng clue, na nagsasabing ang nasabing personalidad ay isang dating “Sanggre,” na tumutukoy sa iconic na mga karakter mula sa teleseryeng Encantadia.
Hindi nagtagal, bumaha ang mga komento mula sa netizens. Marami ang nagbigay ng suporta kay Antolin, sinasabing tama lamang na ipahayag niya ang kanyang saloobin tungkol sa hindi magandang asal ng isang kilalang personalidad. Ayon sa ilan, ang pagiging sikat ay hindi dapat maging dahilan upang hindi magpakita ng tamang asal sa publiko.
“Respeto lang naman ang kailangan, lalo na kung nasa public event ka. Kahit artista ka, hindi ka exempted sa basic manners,” komento ng isang netizen.
May ilan din namang nagtangkang hulaan kung sino ang tinutukoy ni Antolin. Sa salitang “Sanggre,” maraming pangalan ng mga dating artista ng Encantadia ang lumutang sa usapan, ngunit nanatiling tahimik si Antolin tungkol sa eksaktong pagkakakilanlan ng nasabing artista.
Walang komento:
Mag-post ng isang Komento