Ikinagalak ng Malacañang, sa pangunguna ni Claire Castro, ang tuluyang pagbasura ng House Committee on Justice sa dalawang impeachment complaints na inihain laban kay Ferdinand Marcos Jr.. Ayon sa komite, kapwa reklamo ay kulang sa substansya at walang sapat na ebidensya upang magpatuloy sa susunod na yugto ng proseso.
Iginiit ni Usec. Castro na mula pa sa simula ay nanindigan ang Palasyo na lalabas at lalabas ang katotohanan. Aniya, ang naging desisyon ng komite ay patunay na walang paglabag sa batas ang Pangulo, at ang mga paratang ay hindi nakapasa sa pamantayan ng legal na pagsusuri.
Binigyang-diin ng Malacañang ang respeto nito sa kapangyarihan ng Kongreso, partikular sa House Committee on Justice, na nagsilbing unang salaan ng mga reklamong impeachment. Ang desisyon, ayon sa Palasyo, ay nagpapakita na gumagana ang checks and balances kapag sinusunod ang tamang proseso.
Walang komento:
Mag-post ng isang Komento