Iginiit ni Senate President Tito Sotto na handa na siyang gampanan ang kanyang tungkulin sakaling umabot sa Senado ang impeachment trial laban kay VP Sara Duterte. Ayon kay Sotto, malinaw sa Konstitusyon ang papel ng Senado bilang impeachment court, at wala umanong sinuman kahit ang Senate President ang exempted sa pagsunod sa batas.
Nilinaw ni Sotto na bagama’t siya ang namumuno sa Senado, nananatili siyang ordinaryong senador pagdating sa impeachment trial. Ibig sabihin, may karapatan pa rin siyang umupo bilang hukom, makinig sa ebidensya, at bumoto ayon sa kanyang konsensiya at sa itinatadhana ng batas.
Para kay Sotto, mahalagang maunawaan ng publiko na ang impeachment ay legal na proseso, hindi labanan ng personal na paniniwala o alyansa sa pulitika. Aniya, kung darating ang trial, sisiguraduhin niyang susundin ang due process at hindi magiging hadlang ang kanyang posisyon sa patas na pagdinig.
Walang komento:
Mag-post ng isang Komento