Siniguro ni Ombudsman Crispin Remulla sa publiko na kung ang Tanggapan ng Ombudsman ang hahawak sa imbestigasyon kaugnay ng impeachment ni VP Sara Duterte, hindi nila uulitin ang aniya’y mga pagkukulang na nakita niya sa naging desisyon ng Korte Suprema.
Ayon kay Remulla, malinaw ang mandato ng Ombudsman: hanapin ang katotohanan at papanagutin ang may sala, anuman ang posisyon sa gobyerno. Diin niya, ang isang imbestigasyon ay dapat nakabatay sa ebidensya, proseso, at batas hindi sa impluwensiya o pulitikal na presyon.
Ipinunto rin ng Ombudsman na magkaiba ang papel ng mga institusyon. Habang ang Korte Suprema ay tumitingin sa konstitusyonalidad, ang Ombudsman ay nakatuon sa fact-finding at pananagutan. Para kay Remulla, mahalagang malinaw ang hangganan upang manatiling buo ang tiwala ng publiko sa sistema.
Walang komento:
Mag-post ng isang Komento