Mariing iginiit ni Jonvic Remulla, Kalihim ng Department of the Interior and Local Government (DILG), na ang ₱10-milyong reward para sa impormasyong magtuturo kung nasaan si Atong Ang ay mula sa pondo ng bayan partikular sa buwis at bayarin ng mamamayan at hindi ito sasayangin o aabusuhin.
Nilinaw ni Remulla na ang pondo ay hindi personal na pabuya, at lalong hindi “nakaw”. Ito ay bahagi ng opisyal na pondo na may malinaw na accounting at may katapat na resulta. Aniya, ang paggamit ng pera ng bayan ay may kapalit na pananagutan at hindi palabas.
Ayon kay Remulla, malinaw ang prinsipyo: kapag galing sa taumbayan ang pondo, dapat balik-serbisyo rin sa taumbayan.
Ipinaliwanag ng DILG na ang reward ay bahagi ng law enforcement strategy upang pabilisin ang pagkuha ng impormasyong makatutulong sa imbestigasyon. Sa mga kasong mataas ang antas at sensitibo, ang insentibo ay praktikal na paraan para mahikayat ang mga may alam na magsalita lalo na kung may panganib o takot na kaakibat ang pagtestigo.
Walang komento:
Mag-post ng isang Komento