Mariing nilinaw ni Atty. Kristina Conti na ang kanilang pagpunta sa Netherlands ay hindi para sa bakasyon o personal na kasiyahan. Ayon sa kanya, malinaw ang kanilang layunin—ang magtungo sa The Hague upang itulak ang pananagutan ng dating Pangulong Rodrigo Duterte kaugnay ng mga alegasyon sa isinagawang drug war.
Sa gitna ng mga batikos at paratang na tila naglibang lamang ang grupo sa ibang bansa, sinabi ni Conti na mabigat ang dahilan ng kanilang paglalakbay. Hindi umano ito isang simpleng biyahe kundi bahagi ng proseso ng paghahanap ng hustisya sa harap ng pandaigdigang hukuman.
Ang pagpunta sa Netherlands ay kaugnay ng mga hakbang sa International Criminal Court (ICC), kung saan may mga kasong inihain laban sa dating Pangulo. Para kay Conti, mahalagang maipresenta ang mga ebidensya at testimonya upang marinig ang panig ng mga biktima.
Walang komento:
Mag-post ng isang Komento