Lalong lumaki ang kontrobersya sa DPWH matapos ibulgar ng Bilyonaryo News Channel na sa mahaba-habang listahan ng mga proyekto at proponents ng ahensya, may iisang item umano na nakapangalan kay First Lady Liza Araneta Marcos, isang proyekto na nagkakahalaga ng ₱100 milyon.
Ayon sa ulat, ang naturang entry ay hindi simpleng clerical error o maling input. Ito raw ay tahasang indikasyon ng posibleng koneksyon ng Malacañang sa mga anomalya sa flood control at infrastructure spending ng DPWH.
“Kapag nakita mo ang pangalan ng First Lady sa ₱100M project sa DPWH, kailangan nang magtanong. Bawal ito, mali ito, at malinaw na may katiwaliang pinoprotektahan. Talagang talamak ang korapsyon sa administrasyong ito.” - Franklin Drilon
Agad na bumunot ng atensyon ang pahayag ng dating Senate President Franklin Drilon, na matagal nang kilala sa pagbusisi ng national budget. Ayon kay Drilon, malinaw na labag sa batas at conflict of interest ang pagkakalagay ng pangalan ng First Lady sa alinmang proyekto ng DPWH. Wala umano sa mandato ng First Lady ang humawak, mag-request, o mag-endorso ng public infrastructure projects.
Ang paglalantad ng Bilyonaryo News Channel at ang matinding kritisismo ni Franklin Drilon ay nagbukas ng panibagong usapin sa integridad ng pamahalaang Marcos. Ang pagkakalagay ng pangalan ng First Lady Liza Araneta Marcos sa isang ₱100M DPWH project ay hindi lamang simpleng error, ito ay malaking pulang bandila ng posibleng impluwensya, conflict of interest, at katiwalian sa pinakamataas na antas ng gobyerno.
Walang komento:
Mag-post ng isang Komento