Isang nakaaantig na balita ang ibinahagi ng White House matapos ianunsyo ni U.S. President Donald Trump ang paglalaan ng $1 milyon (katumbas ng humigit-kumulang ₱60 milyon) bilang humanitarian aid para sa Pilipinas.
Ang naturang tulong ay layuning suportahan ang mga komunidad na labis na naapektuhan ng Bagyong Tino (Kalmaegi) at ng magnitude 6.9 lindol na tumama sa katimugang bahagi ng bansa.
Ayon sa pahayag ng U.S. Embassy sa Maynila, ang pondo ay ilalaan sa pansamantalang tirahan, logistics, malinis na tubig, at sanitasyon para sa mga biktima ng kalamidad.
“The United States is committed to supporting Philippine-led efforts, working together to save lives, alleviate suffering, and help communities recover from these disasters,” ayon sa pahayag ni President Trump.
Dagdag pa ng State Department, patuloy ang pakikipag-ugnayan ng U.S. sa pamahalaang Pilipino at sa mga lokal na humanitarian organizations upang masiguro na maipapamahagi nang maayos ang tulong.
Partikular na tinututukan ang mga probinsiyang Cebu, Samar, at Davao Region, na labis na naapektuhan ng kalamidad.
Habang papalapit naman ang Bagyong Uwan (Fung-wong), tiniyak ng Amerika na handa silang magbigay ng karagdagang tulong, lalo na kung lalala pa ang pinsalang idudulot nito sa mga lugar ng Luzon at Visayas.
Ang hakbang na ito ni President Donald Trump ay nagpapakita ng malalim na pagkakaibigan at matatag na ugnayan ng Estados Unidos at Pilipinas. Mula pa noong mga nagdaang bagyo tulad ng Yolanda, isa ang U.S. sa mga unang bansa na nagpadala ng rescue teams, pagkain, at tulong medikal sa mga Pilipino.
Marami sa mga netizens at lokal na opisyal ang nagpahayag ng pasasalamat sa mabilis na aksyon ng Amerika. Ang hakbang na ito ni President Donald Trump ay nagpapakita ng malalim na pagkakaibigan at matatag na ugnayan ng Estados Unidos at Pilipinas.
Walang komento:
Mag-post ng isang Komento