Nag-viral sa social media ang matapang na pahayag ni Marlou Arizala, na mas kilala bilang Xander Ford, matapos niyang ipagtanggol si Awra Briguela laban sa mga patuloy na nambabatikos sa aktres-comedian online.
Sa isang post na agad kumalat sa iba't ibang platforms, binanatan ni Xander ang mga bashers ni Awra at sinabing wala silang karapatang manghusga sa itsura o pagkatao ng ibang tao.
“Puro bash kayo kay Awra, eh mas panget naman kayo kesa sa kanya!” ani Xander Ford
Ang nasabing komento ay umani ng libo-libong reaksyon, likes, at shares mula sa mga netizens karamihan ay sumang-ayon sa mensahe ni Xander, na anila ay tama lang na ipagtanggol si Awra mula sa walang tigil na online bashing.
Ayon kay Marlou, nakakasawa na raw ang mga taong puro panghuhusga at ginagamit ang social media para lang manira ng kapwa. Dagdag pa niya, hindi kailanman sukatan ang pisikal na anyo ng isang tao para husgahan ang kanyang pagkatao o talento.
Binigyang-diin pa niya na naranasan din niya ang matinding pangbabash noon nang sumikat siya bilang “Xander Ford,” kaya alam niya ang pakiramdam ng taong hinuhusgahan ng buong mundo.
Ang pahayag ni Marlou Arizala o Xander Ford ay nagpapaalala sa publiko na ang social media ay hindi lisensya para manghusga ng kapwa. Sa panahon ngayon na mabilis kumalat ang negativity online, mahalagang gamitin ang plataporma para magbigay ng inspirasyon, hindi destruksyon.
Walang komento:
Mag-post ng isang Komento