Hindi na napigilan ni Awra Briguela ang kanyang emosyon matapos ilabas ang kanyang sama ng loob sa mga patuloy na nambabatikos at humuhusga sa kanya sa social media. Sa isang post, halos mapaiyak ang aktres habang sinasabi na wala naman siyang ginagawang masama pero tila lagi siyang pinupuna at inaakusahan ng mga netizens.
“Bakit niyo ako hinuhusgahan, wala naman akong ginawang masama,” emosyonal na pahayag ni Awra na agad nag-viral at umani ng iba’t ibang reaksyon mula sa publiko.
Marami ang nakaramdam ng awa at simpatya para kay Awra, lalo na’t tila hindi siya nauubusan ng bashers na patuloy siyang pinupuna mula sa kanyang itsura, personalidad, at mga social media post.
Sa nasabing pahayag, ibinunyag ni Awra na dumating na siya sa punto ng pagod at panghihina, dahil sa paulit-ulit na panghuhusga ng mga tao. Ayon sa kanya, hindi niya maintindihan kung bakit siya ginagawang target ng mga masasakit na komento, gayong wala naman siyang ginagawang masama o nakakasira sa ibang tao.
“Hindi ko naman kayo ginagalaw. Hindi ko kayo sinasaktan. Pero bakit parang ang dali niyong magsalita ng masama tungkol sa akin?” dagdag pa ni Awra.
Pinili pa rin ng aktres na maging kalmado at mapayapa sa kabila ng lahat, at sinabi niyang hindi niya gustong gumanti ng galit, dahil mas pinipili niyang unawain ang mga taong patuloy siyang hinuhusgahan.
Ang emosyonal na pahayag ni Awra Briguela ay nagsilbing malakas na paalala na sa likod ng mga ngiti at tawa ng mga artista, may totoong pusong nasasaktan din sila.
Ang patuloy na panghuhusga at pamba-bash ay hindi lamang nakakasira sa imahe ng isang tao, kundi pati sa kanyang kalooban.
Walang komento:
Mag-post ng isang Komento