Umani ng atensyon at matinding reaksyon mula sa publiko ang matapang na pahayag ni House Majority Leader Sandro Marcos laban kay Former Ako Bicol Representative Zaldy Co. Sa gitna ng patuloy na imbestigasyon at kontrobersiya, diretsahan at walang paligoy-ligoy na bumanat si Sandro, na tila hinahamon si Co na harapin ang isyu imbes na umiwas dito.
Hindi napigilan ni Sandro Marcos ang magkomento sa usapin matapos makita ang ilang pahayag ni Co na tila ipinapakita ang sarili bilang “biktima” at “bayani” na sinisiraan lamang ng pulitika.
“Hindi ka bayani kung nagtatago ka sa batas. May bayani bang lumalayo sa laban? Ang tunay na bayani hinarap niya ang katotohanan, hindi umiiwas at hindi lumilipad papunta sa ibang bansa.”
Sa kanyang pahayag, tinuligsa ni Sandro Marcos ang aniya’y pagtatangkang paglinisin ni Co ng sariling pangalan sa kabila ng kabi-kabilang tanong tungkol sa paglipat umano ng pera at mga kahina-hinalang transaksyon.
Dagdag pa niya, hindi raw dapat ginagamit ang salitang “bayani” kung ang isang tao ay hindi man lang naglalakas-loob humarap sa mga imbestigasyon, lalo na kung pera ng bayan ang pinag-uusapan.
Sa gitna ng lumalaking kontrobersiya, malinaw ang gustong iparating ni House Majority Leader Sandro Marcos na hindi sapat ang salita kailangan humarap sa katotohanan.
Walang komento:
Mag-post ng isang Komento