Naglabas ng Part 2 video si dating Ako Bicol Representative Zaldy Co ngayong Nobyembre 15, na agad nagdulot ng matinding ingay sa social media at sa mundo ng politika.
Sa naturang video, kinumpirma ni Co ang mga pahayag ng kanyang dating aide at security escort na si Orly Guteza, na nagsabing siya mismo ang nag-deliver ng bilyon-bilyong cash na nakasilid sa mga maleta papunta sa bahay nina dating House Speaker Martin Romualdez at Pangulong Ferdinand “Bongbong” Marcos Jr. sa Forbes Park.
Ang naturang rebelasyon ay tinawag ng mga netizens na “Part 2 ng katotohanan”, dahil mas detalyado raw ito kumpara sa unang video na inilabas ni Co noong nakaraang linggo.
“Lahat ng sinabi ni Orly ay totoo. Siya ang personal na naghatid ng pera. May ebidensya kami, may video, may mga resibo, at may mga saksi,” -Zaldy Co
Sa bagong video, ipinaliwanag ni Zaldy ang proseso ng paglipat ng pera. Ayon sa kanya, ilang beses naganap ang paghahatid ng cash sa Forbes Park, at bawat transaksyon ay may kasamang escort at confidentiality agreement.
Ang halaga umano ng perang inililipat ay nasa ₱500 milyon hanggang ₱1 bilyon kada delivery, na nakabalot sa mga black leather maleta at tinakpan pa ng mga security seal.
Kinumpirma rin ni Guteza sa isang lumang pahayag na tama ang lahat ng detalye sa sinasabi ni Zaldy, at handa umano siyang magsalita sa Senado kung siya ay bibigyan ng proteksyon.
Ang Part 2 video ni Zaldy Co ay tila nagbigay ng panibagong pwersa sa umiinit na isyu ng ₱100-bilyong budget insertion scandal. Habang patuloy ang pagdinig at mga imbestigasyon, mas dumarami ang ebidensyang lumalabas at mas lumalakas ang panawagan ng taumbayan para sa transparency, hustisya, at pananagutan.
Walang komento:
Mag-post ng isang Komento