Isang nakakagulat na pahayag ang binitawan ni Senator Imee Marcos sa harap ng publiko matapos niyang umaming alam ng buong pamilya na gumagamit ng droga ang kanyang kapatid, si President Ferdinand “Bongbong” Marcos Jr.
Ang rebelasyong ito ay naganap sa ikalawang araw ng Iglesia ni Cristo’s Anti-Corruption Rally, kung saan emosyonal na inilahad ni Imee ang kanyang saloobin tungkol sa kalagayan ng pamilya at ng bansa.
“Batid ko na, na nagda-drugs siya. Nalaman ko at ng pamilya. Nalaman ng pamilya, seryoso ito” - Senator Imee Marcos
Ayon sa senadora, hindi lamang umano si Pangulong Marcos ang sangkot, kundi pati ang First Lady Liza Araneta-Marcos, na aniya’y “parehong lumalala” ang kalagayan dahil sabay daw silang gumagamit.
Nagulantang ang mga Pilipino sa biglaang pag-amin ni Imee Marcos.
Marami ang hindi makapaniwala na mismong kapatid ng pangulo ang maglalantad ng ganitong isyu sa publiko, lalo pa’t kilala si Imee bilang isa sa mga pinakamatatag na tagapagtanggol ng kanilang pamilya.
Ayon sa mga malalapit sa senadora, matagal na raw niyang dinadala ang bigat ng konsensya dahil nakikita niya ang unti-unting pagbagsak ng imahe ng kanilang pamilya. Bumuhos ang samu’t saring reaksyon mula sa mga netizens, pulitiko, at personalidad sa social media. Marami ang humanga sa katapangan ni Imee, ngunit marami rin ang nagduda sa kanyang motibo.
Ang pag-amin ni Senator Imee Marcos ay isa sa pinakamalaking political bombshell sa kasalukuyang administrasyon. Sa panahon ng krisis, imbestigasyon, at batikos, ang isang miyembro mismo ng pamilyang Marcos ang nagbukas ng bagong isyu na maaaring magbago ng takbo ng politika sa bansa.
Walang komento:
Mag-post ng isang Komento