Sa gitna ng kontrobersyal na pag-amin ni Senator Imee Marcos na umano’y gumagamit ng droga ang kanyang kapatid na si President Ferdinand “Bongbong” Marcos Jr., naglabas ng matinding pahayag si Atty. Claire Castro, tagapagsalita ng Malacañang, laban sa senadora.
Hindi napigilan ni Atty. Castro ang kanyang emosyon at tinuligsa ang kilos ni Sen. Imee, na aniya ay “walang respeto sa sariling pamilya” at tila ginagamit ang isyu para sirain ang Pangulo sa gitna ng mga isyung kinahaharap ng administrasyon.
“Anong klaseng kapatid si Sen. Imee? Anong klaseng Pilipino si Sen. Imee? Kung totoong maka-Pilipino ka at totoong makabayan ka Sen. Imee, tumulong ka sa pag-iimbestiga, huwag mong sirain ang kapatid mo. Nakakahiya Sen. Imee. Nakakahiya.” -Usec. Claire Castro
Ayon kay Castro, hindi tama na mismong kapatid ng Pangulo ang magpapakalat ng mga pahayag na walang sapat na ebidensya.Binanggit pa niya na dapat, sa halip na sirain ang sariling dugo, tulungan ni Sen. Imee ang Pangulo sa paglilinis ng pangalan ng kanilang pamilya.
Dagdag pa ng opisyal, labis na nasasaktan ang Palasyo sa ganitong mga pahayag dahil nawawala ang pokus ng bansa sa mas mahahalagang isyu gaya ng ekonomiya, kabuhayan, at rehabilitasyon ng mga nasalanta ng bagyo.
Ang palitan ng maaanghang na pahayag sa pagitan ni Senator Imee Marcos at Atty. Claire Castro ay nagpapakita ng lalim ng hidwaan sa loob ng pamilyang Marcos, isang bagay na dati ay itinuturing na hindi matitinag.
Walang komento:
Mag-post ng isang Komento