Ibinahagi ng boxing legend at dating senador na si Manny “Pacman” Pacquiao ang isa sa kanyang pinakamamahal na luxury items, isang Patek Philippe Nautilus Haute Joaillerie watch na nagkakahalaga ng humigit-kumulang ₱20 milyon ang isang piraso.
Ang mamahaling relo ay napapalamutian ng higit sa 1,000 baguette at brilliant-cut diamonds, dahilan upang agad itong mapansin ng mga netizen nang ipakita ito ni Pacquiao sa isang pampublikong okasyon.
Sa gitna ng mga reaksiyon, hindi naman nagpahuli si Pacquiao sa pagbibigay ng magaan ngunit nakakatawang pahayag.
“Hindi ’yan galing sa flood control, ha,” biro ng dating senador habang nakangiting ipinakita ang kanyang relo. Maraming netizen ang naaliw sa kanyang biro ngunit may ilan ding nagpahayag ng magkakahalong reaksyon, may mga humanga sa kanyang pagiging matagumpay, ngunit mayroon ding nagtanong kung naaangkop ba ang ganitong pagpapakita ng yaman.
Ang ipinakitang Patek Philippe watch ni Manny Pacquiao ay hindi lamang simbolo ng kanyang tagumpay, kundi paalala ng kanyang pinagmulan at mga sakripisyong pinagdaanan. Sa likod ng mamahaling relo ay kwento ng pag-asa, disiplina, at pananampalataya mga halagang patuloy niyang pinanghahawakan kahit nasa rurok na ng kanyang tagumpay.
Walang komento:
Mag-post ng isang Komento