Inamin ng aktres na si Shaira Diaz na minsan niyang nahuli ang boyfriend na si EA De Guzman na nanonood ng p*rn, bagay na naging dahilan ng kanilang seryosong pag-uusap. Ayon kay Shaira, para sa kanya, hindi ito dapat i-normalize at katumbas na rin ng emotional cheating.
"Para sa akin, hindi mo dapat i-normalize ang panonood ng prn lalo na kung nasa committed relationship ka. Kasi kung may partner ka na, dapat sa kanya lang umiikot ang atensyon at pantasya mo. Para sa akin, respeto at loyalty yun." -Shaira Diaz
Sa kanyang pahayag, ibinahagi niya:
“Sinasabi kasi nila na normal lang sa lalaki na manood ng ganto, ganyan ganyan. Pero para sa’kin, bakit kailangan parang i-normalize? Parang kung nanonood ka nun, eh ‘di parang pinagpapantasyahan mo yung ibang babae.”
Dagdag pa niya, hindi patas kung isa lang ang gumagawa nito:
“Parang sabi ko, ‘Palit tayo, ako manonood. May pinagpapantasyahan akong ibang lalaki, matutuwa ka?’”
Binigyang-diin din ni Shaira na para sa kanya, ito ay parang isang uri ng pagtataksil. “So parang cheating din siya sa akin kasi nakikita mo yung katawan ng ibang tao,” sabi niya.
Bagama’t mainit ang naging usapan, marami ang humanga kay Shaira sa kanyang pagiging prangka at malinaw na pagpapahayag ng kanyang boundaries sa relasyon. Maraming netizens din ang nakisali sa diskusyon, may ilan na sumang-ayon sa pananaw ng aktres, at may ilan namang nagsabing natural lamang ito para sa lalaki.
Ang naging pahayag ni Shaira Diaz ay nagbukas ng mas malalim na diskusyon tungkol sa boundaries at respeto sa relasyon. Para kay Shaira, ang panonood ng p*rn habang may karelasyon ay hindi simpleng gawain lamang kundi isang uri ng pagkakanulo sa tiwala.
Walang komento:
Mag-post ng isang Komento