Sa gitna ng mga diskusyon tungkol sa tinaguriang “nepo babies” mga anak ng kilalang personalidad na umano’y nakikinabang sa impluwensiya at yaman ng kanilang pamilya isang pangalan ang lumutang bilang positibong ehemplo: si Kris Aquino.
"Marami akong pinagdaanang pagsubok pero isa lang ang hindi ko pwedeng kaligtaan ang pagiging tapat sa bansa ko. Kung kaya kong magtrabaho nang marangal, kaya ko ring magbayad ng buwis nang tama. Utang natin ito sa bayan." -Kris Aquino
Isang viral Facebook post mula sa kanyang impersonator na si “Tita Krissy Achino” ang nagpuri kay Aquino dahil sa kanyang transparency at kasipagan sa pagbabayad ng tamang buwis. Base sa datos ng Bureau of Internal Revenue (BIR), umabot sa ₱322 milyon ang kabuuang income tax na binayaran ng aktres at TV host mula 2008 hanggang 2015.
Noong 2011, kinilala si Aquino bilang top taxpayer ng bansa matapos magbayad ng mahigit ₱49.87 milyon. Para sa kanyang mga tagasuporta, malinaw na ang disiplina at integridad ni Kris sa pagbabayad ng buwis ang nagtatangi sa kanya mula sa iba pang mga personalidad na nahaharap sa isyu ng pagiging pribilehiyo ngunit walang pananagutan.
Bagama’t kilala bilang “Queen of All Media”, ipinapakita ng record na ito na higit pa sa kanyang kasikatan, pinahahalagahan ni Kris ang pagiging responsableng mamamayan. Sa kabila ng lahat ng intriga at pagsubok na dumaan sa kanyang personal na buhay, nananatili ang kanyang reputasyon bilang isang artistang marunong tumupad sa kanyang obligasyon.
Sa panahon kung saan maraming personalidad ang kinukwestyon ang pagiging “accountable” sa kanilang pribilehiyo, nananatiling matibay na halimbawa si Kris Aquino. Hindi lamang siya basta anak ng dating Pangulo o isang kilalang artista, kundi isang responsableng mamamayan na nagpapakita na ang pagiging pribilehiyado ay may kasamang obligasyon.
Walang komento:
Mag-post ng isang Komento