Sa gitna ng mga usapin tungkol sa kalagayan ni dating pangulong Rodrigo Duterte, nagsalita ang kanyang bunsong anak na si Veronica “Kitty” Duterte upang tiyakin sa publiko na ligtas at nasa maayos na kondisyon ang kanyang ama na kasalukuyang nasa detention unit ng International Criminal Court (ICC) sa The Hague, Netherlands.
Sa isang maikling panayam, sinabi ni Kitty:
“All I can say is that he’s doing good and he’s alive. Si Dada ay buhay, maayos, at mas lumalakas pa dahil sa suporta ng aming pamilya. Huwag kayong mag-alala—patuloy kaming nandito para sa kanya."
Dagdag pa niya, walang ipinagkaiba ang kalagayan ng dating pangulo sa aspeto ng kalusugan at tila mas lumalakas pa ito dahil sa presensya ng kanilang pamilya. “I think the fact that most of the family are here to visit makes him stronger mentally, physically, and emotionally,” wika pa ni Kitty.
Ibinahagi rin niya na sa kanilang huling pagdalaw kasama ang kanyang kapatid na si Davao City Rep. Paolo “Pulong” Duterte, masaya at puno ng biruan ang naging usapan nila ng dating pangulo. Malapit na rin umanong dalawin ni Duterte ang ilan sa kanyang mga apo, matapos ding bisitahin ng iba pa niyang anak kabilang na sina Vice President Sara Duterte at Davao City Mayor Sebastian “Baste” Duterte.
Matatandaang inaresto si Duterte noong Marso 2025 upang harapin ang kasong crimes against humanity kaugnay ng madugong “war on drugs” ng kanyang administrasyon. Nakatakda ang confirmation of charges hearing sa ICC mula Setyembre 23 hanggang 26, 2025, na ilalabas sa livestream sa kanilang website nang may 30 minutong delay.
Ang update ni Kitty Duterte ay nagbigay ng malinaw na sagot sa mga haka-haka tungkol sa kalagayan ng dating pangulo. Bagama’t nahaharap si Rodrigo Duterte sa mabibigat na kaso sa ICC, pinatutunayan ng kanyang pamilya na sa kabila ng mga pagsubok, nananatili silang buo at nagkakaisa para sa kanya.
Walang komento:
Mag-post ng isang Komento