Isang kontrobersyal na insidente ang nag-viral online matapos makita si Taytay, Rizal Vice Mayor Pia Cabral sa isang video kung saan tila tinutukso niya ang mga alagang hayop habang nasa house-to-house campaign. Agad itong umani ng iba’t ibang reaksyon, partikular mula sa mga animal welfare advocates na nagsabing hindi kaaya-aya ang naturang kilos mula sa isang public servant.
Sa naturang video, makikita si Cabral na nakikipagbiruan at tila tinutukso ang mga aso habang nakikipag-engkwentro sa mga residente. Nakalagay pa sa caption ng clip ang salitang “Aso ka lang”, na agad pinuna ng netizens at kalaunan ay nagdulot ng mainit na usapan online.
“Ako po ay taos-pusong humihingi ng paumanhin sa lahat ng naapektuhan ng aking post. Hindi ko po intensyon na mambastos o manakit, lalo na sa mga alagang hayop na malapit din sa puso ko. Bilang isang fur-mom at tagasuporta ng animal welfare, patuloy ko pong isusulong ang mga programang para sa kapakanan ng ating mga alaga.” – Vice Mayor Pia Cabral
“Isa lamang po itong expression. Kahit maraming aso patungo sa ating nasasakupan ay aabutin ko po kayo dahil gusto kong maiparating sa inyo ang aking mga plataporma at mga programa.”
Kasunod ng pag-viral, agad na humingi ng dispensa ang bise alkalde. Ayon sa kanya, wala siyang intensyon na manakit o mambastos ng hayop at ang kanyang ginawa ay bahagi lamang ng masayang pakikisalamuha sa mga tao.
Dagdag pa niya, agad niyang tinanggal ang nasabing post upang maiwasan ang mas lalong pagkakaroon ng sama ng loob.
Kahit may mga netizens na tumanggap sa kanyang paghingi ng tawad, marami pa ring nananatiling kritikal at nanawagan na mas maging maingat siya sa kanyang kilos bilang isang halal na opisyal na nagsisilbing huwaran sa publiko.
Ang pangyayaring ito ay isang paalala sa mga public servant na bawat salita at kilos ay madaling mapuna sa mata ng publiko, lalo na sa panahon ng social media. Sa kabila ng kontrobersiya, ipinakita ni Vice Mayor Pia Cabral ang pagpapakumbaba at kakayahang humingi ng paumanhin isang mahalagang katangian para sa isang lider.
Walang komento:
Mag-post ng isang Komento