Isang insidente ang yumanig sa Senado matapos pangalanan ang isang “Nadia Montenegro” sa isang ulat na may kaugnayan sa umano’y paggamit ng marijuana sa loob mismo ng gusali ng Senado sa Pasay City.
“Hindi po ako gumagamit ng marijuana. May vape po ako sa bag, at posible po ‘yon ang dahilan ng amoy. Handa akong magpaliwanag at makipagtulungan sa imbestigasyon para malinawan ang lahat.” -Nadia Montenegro
Batay sa incident report na may petsang Agosto 13, 2025, iniulat ni Victor Patelo, isang security personnel ng Senado na naka-assign sa ika-5 palapag, na nilapitan siya ng isang staff ni Senador Panfilo Lacson upang ipaalam ang kakaibang amoy na nagmumula sa ladies’ comfort room malapit sa extension offices ng mga senador.
Ayon sa staff, kahawig ng amoy ng marijuana ang naamoy at tanging si Ms. Nadia Montenegro lamang umano ang nasa lugar sa oras na iyon. Sinabi ni Patelo na hiningi sa kanya ng staff na lapitan si Montenegro nang palihim, ngunit itinanggi nito ang paggamit ng marijuana at iginiit na vape lang ang mayroon siya sa kanyang bag — bagay na posibleng dahilan ng kakaibang amoy.
Kinumpirma naman ni Atty. Rudolf Philip Jurado, chief of staff ni Sen. Robin Padilla, na si dating aktres Nadia Montenegro ay kasalukuyang nagtatrabaho sa kanilang opisina. Dagdag ni Jurado, humingi na sila ng written explanation mula kay Montenegro nang lumabas ang bagong ulat hinggil sa umano’y paggamit ng marijuana sa Senado.
Habang mainit pa ang usapin, malinaw na ang insidenteng ito ay nagdulot ng intriga hindi lamang sa loob ng Senado kundi maging sa publiko. Hanggang walang pinal na resulta ang imbestigasyon, mahalagang manatiling bukas sa lahat ng posibilidad at huwag magmadali sa paghuhusga.
Walang komento:
Mag-post ng isang Komento