Hindi na bago sa publiko na si Amy Perez ay isa sa mga personalidad na hinahangaan hindi lang dahil sa kanyang husay bilang TV host at aktres, kundi pati na rin sa kanyang matibay na pananaw sa buhay. Kamakailan lamang, nagbigay siya ng simpleng ngunit makapangyarihang payo na agad tumatak sa puso ng marami.
“Use their doubts as fuel, as in literal na gasolina para umusad ka. Huwag mong hayaang mapigilan ka ng pangungutya, bagkus, gawin mo silang inspirasyon para maging mas matagumpay ka.” -Amy Perez
Ayon kay Amy, hindi dapat panghinaan ng loob ang sinuman kung may mga taong nagtatawa o hindi naniniwala sa kakayahan nila. Sa halip, gawing inspirasyon ang mga pangungutya at pagdududa upang patunayan na mali ang mga ito. Para sa kanya, kahit masakit, mas mabuting ngumiti at magpatuloy kaysa tumigil dahil sa negatibong komento ng iba.
“Okay lang if they laugh at you or think na 'di mo kaya. Sige lang, smile ka lang kahit masakit. Gawin mo silang motivation para i-prove na mali sila. Use their doubts as fuel, as in literal na gasolina para umusad ka,” ani ni Amy.
Ang payo niyang ito ay nagbigay ng pag-asa at lakas ng loob sa maraming tao na kasalukuyang humaharap sa personal na pagsubok, pagkabigo, o kahit pangungutya mula sa iba. Isa itong paalala na ang tunay na tagumpay ay hindi nakasalalay sa paniniwala ng ibang tao kundi sa determinasyon at pagtitiwala sa sarili.
Sa panahon ngayon kung saan madali tayong husgahan ng lipunan, ang payo ni Amy Perez ay nagsisilbing gabay at lakas para sa lahat. Pinapaalala nito na ang pagtawa at pangungutya ng iba ay hindi dapat maging sagabal, kundi dapat gawing inspirasyon upang magtagumpay.
Walang komento:
Mag-post ng isang Komento