Muling naging usap-usapan sa social media ang TV host at kilalang Henyo Master na si Joey De Leon matapos niyang magbahagi ng isang simpleng ngunit makabuluhang life advice para sa mga netizens.
“Maraming tao ang lumalapit lang kapag may naibibigay ka na. Pero tandaan ninyo, ang tunay na kaibigan, ‘yung nandiyan noong wala ka pa. Sila ang dapat mong balikan, sila ang karapat-dapat sa pasasalamat mo.” -Joey De Leon
Sa kanyang post, sinabi ni Joey De Leon:
“Doon ka bumawi sa taong tumulong sa'yo noong walang-wala ka. Hindi sa taong bumait lang sa'yo noong nakabangon ka na.”
Maraming netizens ang naka-relate at na-inspire sa kanyang sinabi, lalo na ang mga nagsusumikap makabangon sa buhay.
Ayon kay Joey, importante raw sa buhay na marunong tayong lumingon sa pinanggalingan. Hindi raw lahat ng tumutulong sa atin ay tunay na may malasakit karamihan, nagpapakita lang ng kabaitan kapag may mapapala na sila sa atin.
Dagdag pa ni Joey:
“Sa showbiz man o sa totoong buhay, madalas mo makikitang lumalapit lang ang tao kapag sikat o mayaman ka na. Pero ‘yung mga kasama mo noong wala ka pang-wala, sila ang totoo mong dapat pasalamatan at balikan.”
Sa panahon ngayon kung kailan marami ang nakatuon sa material na bagay at kasikatan, mahalagang paalala mula kay Joey De Leon ang magbalik-tanaw at kilalanin kung sino talaga ang tumulong sa atin noong panahon na tayo ay nangangailangan.
Hindi lamang ito tungkol sa pera o regalong sukli, kundi sa pagpapakita ng respeto, pasasalamat, at tunay na malasakit sa mga taong naging bahagi ng ating pag-angat sa buhay.
Walang komento:
Mag-post ng isang Komento