Muling pinatunayan ni Ivana Alawi na bukas-palad siya sa pagtulong at pagbabahagi ng biyaya. Sa kanyang pinakabagong vlog, ipinakita niya ang kanyang pagiging mapagmahal sa mga bata nang bigyan niya ng bagong iPhone si Katie, anak ng kapwa aktres na si Katrina Halili.
“Mahal na mahal ko si Katie. She’s such a sweet and smart girl. Gusto ko lang siyang mapasaya kasi sobrang bait at thoughtful niya kahit bata pa.” -Ivana Alawi
Sa vlog ni Ivana, nagpasya siya na pagbigyan ang lahat ng kahilingan ni Katie sa loob ng isang araw. Unang destinasyon nila ay ang Toy Kingdom, kung saan humanga si Ivana sa pagiging practical at maingat ni Katie sa pagpili ng mga laruan, maging sa paghingi ng diskwento.
Pagkatapos ay pumunta sila sa Gootopia, kung saan masayang naglaro si Katie ng slime. Ngunit ang huling kahilingan ni Katie ang pinakanakapukaw ng pansin—isang iPhone.
“Can’t say no to Katie,” sabi ni Ivana habang tinutupad ang hiling ng bata at binilhan ito ng bagong gadget.
Ipinost ni Katrina ang unang larawan ni Katie gamit ang kanyang bagong iPhone at nagpasalamat kay Ivana.
“First photo ng bagong iPhone ni Katie. Thank you Ivana Alawi. Walang nagawa si Mama Kat sa day off ni Katie with Tita Ivana,” saad ni Katrina sa Facebook.
Ang pagkilos ni Ivana Alawi ay patunay na hindi lamang siya isang sikat na artista at content creator, kundi isang mapagbigay at may pusong tumulong. Sa kanyang simpleng paraan, napasaya niya ang anak ni Katrina Halili at nagbigay-inspirasyon sa maraming netizens.
Walang komento:
Mag-post ng isang Komento