Sa isang matinding pahayag mula sa kampo ni dating Pangulong Rodrigo Duterte, hayagang sinabi ng kanyang lead counsel na si Nicholas Kaufman na hindi na nila kailangan, gusto, o pinapansin si dating Presidential Spokesperson Harry Roque.
Ayon kay Kaufman, mas makabubuting umuwi na lang si Roque sa Pilipinas kung saan mas nababagay ang kanyang "talento at gulo." Ayon pa sa kanya, mas mainam pang si Boying Remulla na lang ang sumalo sa kanya roon.
Tinawag din ni Kaufman na “embarrassing” ang ginawang “crazy attempt” umano ni Roque na magsampa ng kaso laban sa Dutch government habang nakiusap pa para palayain si Duterte—isang hakbang na hindi raw kinonsulta o inaprubahan ng kampo ng dating pangulo.
Dagdag pa ni Kaufman:
“From Day One, Roque has undermined me and misled the public. No one is interested in him as a lawyer.”
Sa madaling salita, mula umpisa pa lang ay hindi naging kaaya-aya ang pakikitungo ni Roque sa legal team ni Duterte. Imbes na makatulong, ay lalo raw itong naging pabigat at nagkalat ng maling impormasyon sa publiko.
Ang ganitong pahayag ay tila isang pormal na pagputol ng anumang koneksyon ng kampo ni Duterte kay Roque, na dating kilalang tagapagsalita at abogado ng gobyerno.
“Ginawa ko ang sa tingin ko ay tama para sa dating pangulo. Kung hindi ito nagustuhan ng ilan, handa akong panindigan ito. Sa huli, ang mahalaga ay makatulong sa bansa.” – Harry Roque
Ang matitinding pahayag laban kay Harry Roque ay tila nagmarka ng isang pagtatapos — hindi lang ng isang political partnership kundi pati ng tiwalang minsan ay ibinigay sa kanya. Sa panahon ngayon kung saan ang katapatan at respeto ay mas mahalaga kaysa ingay, mahalagang matutunan natin na hindi lahat ng ginagawa ay nakakatulong, kahit pa ito'y mula sa dating nasa kapangyarihan.
Walang komento:
Mag-post ng isang Komento