Muling umani ng pansin sa social media ang self-proclaimed psychic na si Rudy Baldwin matapos umanong tumpak na mahulaan ang isang malagim na plane crash na naganap sa India noong Hunyo 12, ilang araw matapos niyang i-post ang kanyang "vision" tungkol sa trahedya.
Sa isang Facebook post noong Hunyo 9, ibinahagi ni Baldwin ang kanyang premonition tungkol sa dalawang aksidenteng himpapawid — isa sa Asia at isa sa ibang bansa. Ayon sa kanya, sanhi ng aksidente ang malakas na kidlat at biglaang pagbabago ng panahon, kahit pa maganda ang simula ng klima.
“Mee nakita akong sasakyang himpapawid na maaksidenti... Ang isang aksidenti ay dahil sa malakas na kidlat... kahit maganda ang panahon bigla na lang nagbago ang klima,” aniya sa kanyang post.
Idinetalye rin niya ang ilang kulay ng mga eroplano sa kanyang vision: pula, puti, dilaw, asul, at berde, at binanggit pa ang posibilidad ng engine failure at pagbagsak sa dagat.
Ang nakakakilabot? Tatlong araw pagkatapos ng kanyang post, isang Air India flight na may mahigit 290 pasahero at crew ang bumagsak, ikinamatay ng halos lahat sakay maliban sa isang nakaligtas.
Mabilis na kinonekta ng kanyang mga followers ang hula sa tunay na pangyayari. Binaha ng papuri at respeto ang kanyang comment section, at maraming netizens ang muling nanalig sa kanyang kakayahan.
Sa gitna ng viral na pagkakatama, nagpaalala si Rudy sa kanyang mga taga-suporta na manatiling maingat at palaging ipagdasal ang kaligtasan:
“Maging maingat at huwag makalimot magdasal at magpasalamat sa Dios.”
Hindi na bago kay Rudy Baldwin ang pag-viral, pero ang pagkakataong ito ay muling nagpapaalala sa marami na may mga bagay pa ring hindi kayang ipaliwanag ng siyensiya. Totoo man o hindi ang kanyang kakayahan, isang bagay ang malinaw — mas mabuting maging alerto at mapagdasal sa mga panahong puno ng hindi inaasahang sakuna.
Walang komento:
Mag-post ng isang Komento