Sa isang maikli ngunit matapang na pahayag, nagbigay muli ng tila patama si Presidential Communications Office (PCO) Undersecretary Claire Castro laban kay Vice President Sara Duterte, na kamakailan ay muling naging sentro ng kritisismo dahil sa umano’y sunod-sunod na personal na biyahe sa ibang bansa.
Sa media briefing noong araw ng Lunes, sinabi ni Usec. Castro:
"Ang Pangulo po ay aksyon at aksyon lamang. Hindi bakasyon. Ang mga lider ng bansa ay dapat magsilbi nang buong puso at may malasakit. Ang serbisyo publiko ay hindi bakasyon, ito ay sakripisyo. Ang mamamayan ang ating tunay na boss."
Bagama’t walang direktang binanggit na pangalan, marami ang nagtuturing na ang pahayag ay malinaw na pagbatikos sa lifestyle ni VP Sara, lalo na’t naging usap-usapan kamakailan ang kanyang biyahe sa Japan at Dubai sa gitna ng mga isyung kinahaharap ng bansa.
Ayon sa mga kritiko, tila hindi tumutugma ang kilos ng Bise Presidente sa kanyang mandato, lalong-lalo na sa panahong may mga krisis sa edukasyon at lumalalim ang political tension sa bansa.
May mga netizens ding nagsabing tila mas aktibo pa sa paglalakbay kaysa sa pamumuno si VP Sara.
Ang pahayag ni Castro ay umani ng sari-saring reaksiyon sa social media. May mga sumang-ayon at pinapurihan ang kanyang katapangan, habang ang iba naman ay tinawag itong political grandstanding o “pagsawsaw sa intriga.”
Wala pang opisyal na tugon mula sa kampo ni VP Sara Duterte sa isyu.
Habang patuloy ang tensiyon sa pagitan ng ilang opisyal ng gobyerno, lumalalim din ang usapin tungkol sa pananagutan, transparency, at tunay na serbisyo publiko. Sa panibagong patutsada ni Usec. Claire Castro, muling nabuksan ang diskurso tungkol sa responsibilidad ng mga halal na opisyal.
Walang komento:
Mag-post ng isang Komento