Sa kabila ng pagkakakulong ni dating Pangulong Rodrigo Duterte sa International Criminal Court (ICC) sa The Hague, Netherlands, nagpahatid ng emosyonal na pagbati ang kanyang anak na si Kitty Duterte ngayong Father’s Day. Sa isang mahabang Facebook post, ipinahayag ni Kitty ang kanyang lubos na paghanga at pagmamahal sa ama — bilang lider, bilang ama, at bilang inspirasyon.
“Happy Father’s, my sweet, handsome, beloved Dada Rods. You are someone to be celebrated every day of your life. No one could ever be on par with you as a person, as a father, and as a leader,” ani Kitty.
Ikinuwento rin ni Kitty ang emosyonal na tagpo noong 80th birthday ng kanyang ama, kung saan sinabi raw ng kanyang inang si Honeylet Avanceña ang mga katagang:
“Dili pa ko kakita’g laki pareba pima,” na para kay Kitty ay nagpapakita kung gaano kamahal at kahanga-hanga si Duterte hindi lang bilang partner kundi bilang tao.
Dagdag pa niya, habang si Honeylet ang nagturo sa kanya ng kababaang-loob, si Duterte naman ang nagsilbing tagapagtibay ng kanyang kumpiyansa sa sarili:
“You’d exhaust all the superlative adjectives on me… quite the explanation as to why my love language is words of affirmation.”
Ibinahagi rin ni Kitty ang isang di-malilimutang sandali sa kanilang mag-ama noong sinabi niya sa ama na mas pinili niyang bumuo ng pamilya kaysa tahakin ang mataas na karera.
“You said, ‘Okay bak, just promise me you’ll finish college and after that, you can do whatever makes you happy. You only live once. If it is a great one, then once is enough.’”
Para kay Kitty, higit pa sa mga titulo at tagumpay, ang pinakamahalaga sa kanyang ama ay ang kaligayahan ng kanyang anak.
Bukod sa Facebook post, nagbahagi rin si Kitty ng throwback photo nila ni Duterte sa Instagram. May caption ito na punong-puno ng pagmamahal at pangungulila:
“Until I see you again. Happy Dada’s Day.”
Sa simpleng post na puno ng damdamin, muling ipinakita ni Kitty Duterte ang matibay na ugnayan nila ng kanyang ama sa kabila ng lahat ng pinagdadaanan nito. Sa bawat salitang puno ng pagmamahal, naipapakita kung paanong si Rodrigo Duterte ay hindi lamang isang pinuno sa mata ng bayan, kundi isang haligi ng tahanan sa mata ng kanyang anak.
“You are the other side of my mirror. How astounding it is that I get to call you my hero—not just because you’re my dada, but because you are the greatest one there is.” – Kitty Duterte
Walang komento:
Mag-post ng isang Komento