Sa mundo ng entertainment kung saan ang talento at husay ang batayan ng tagumpay, nagbigay ng isang madamdaming payo ang Asia’s Songbird na si Regine Velasquez sa bagong umuusbong na singer/dancer na si Fyang Smith.
Kilala si Fyang sa kanyang pagiging matatag sa kabila ng matitinding batikos online, ngunit hindi siya nagpatinag patuloy siyang lumaban upang makilala bilang isang respetadong artist.
Sa isang panayam, sinabi ni Regine:
“Ang pagkanta is a skill, ibig sabihin natututunan siya at kung isasapuso mo at isasa-isip mo ang pagpa-practice, pwede kang maging magaling na magaling na singer.”
Ipinunto ng batikang mang-aawit na ang talento ay hindi palaging likas minsan ito ay hinuhubog sa pamamagitan ng tiyaga, dedikasyon, at walang sawang pag-eensayo. Ang mensaheng ito ay tila nakaukit sa puso ni Fyang na hindi kailanman sumuko sa kabila ng panghuhusga ng ilan.
“Hindi po ako perpekto, pero araw-araw akong nagsusumikap para mas gumaling. Ang mga salita ni Ms. Regine ay nagsilbing lakas sa akin. Hinding-hindi ko po ito kakalimutan.” -Fyang
Hindi madali ang landas patungo sa tagumpay, lalo na sa industriya ng musika na puno ng kompetisyon at kritisismo. Ngunit ang kwento nina Regine at Fyang ay patunay na ang tunay na talento ay hindi lamang sa boses nakikita, kundi sa puso at dedikasyon.
Sa bawat birit, sa bawat practice session, may kasamang pangarap at sakripisyo. At sa tulong ng mga tulad ni Regine na handang gumabay, mas lalong tumitibay ang mga bagong bituin tulad ni Fyang.
Walang komento:
Mag-post ng isang Komento