Isang bride-to-be ang naging viral matapos niyang ibahagi ang kanyang pagkadismaya sa engagement ring na ibinigay sa kanya ng nobyo — hindi raw kasi ito ginto, kundi pilak lamang.
“Hindi ko siya minamaliit. Mahal ko siya, at alam kong mahal niya ako. Pero sana maintindihan niya na minsan, may mga bagay na akala niyang maliit lang, pero may bigat sa puso. Hindi ko kailangan ng mamahaling ginto, pero kailangan ko ng pakiramdam na pinili niya ang pinaka matibay, para sa panghabambuhay naming pagsasama.” -Bride to Be
Sa isang open letter na inilathala sa Peso Sense Facebook page, naglabas ng sama ng loob ang babae tungkol sa kanyang natanggap na singsing. Ayon sa kanya, mahal niya ang kanyang nobyo, ngunit hindi niya maitago ang lungkot dahil pakiramdam niya ay hindi siya pinahalagahan sa pamamagitan ng simpleng singsing.
“Should I be upset dahil instead of a gold engagement ring ay silver ring po ang natanggap ko?” panimula ng babae sa kanyang post.
“I know he can afford to get me a gold engagement ring... kaya siguro ako nasaktan. Hindi sa material na bagay lang, pero parang hindi ako ganoon ka-importante.”
Dagdag pa niya, alam niyang mas tumatagal ang ginto kaysa sa pilak kaya pakiramdam niya ay hindi tatagal ang simbolo ng kanilang pagmamahalan kung silver lamang ito.
“Don’t get me wrong, super love ko ang BF ko and ang saya ko kasi finally he proposed to me. Kaya lang, di ko akalain ma-upset ako ng dahil dito.”
Hindi niya raw alam kung paano niya ito maihahayag sa kanyang fiancé. Sinubukan na rin daw niyang huwag isipin, pero nananatili ang bigat sa kanyang loob.
“Gusto ko siya, mahal ko siya, pero ang bigay niya, parang hindi tatagal. Kung ginto sana, parang mas may tibay. Parang mas ako.”
Hindi madaling isantabi ang emosyon ng isang taong umaasa sa “dream proposal” at sa isang singsing na simbolo ng pagmamahalan at pangako. Ang post ng bride-to-be ay hindi lang tungkol sa singsing, kundi sa pakiramdam ng pagiging mahalaga at pinapahalagahan.
Mahalaga sa bawat relasyon ang komunikasyon at pag-unawa sa nararamdaman ng isa’t isa. Hindi lang ito tungkol sa halaga ng singsing kundi sa intensyon, effort, at simbolismo ng regalong ibinigay.
Walang komento:
Mag-post ng isang Komento