Ilang taon ding sunod-sunod ang proyekto ni Beauty Gonzalez sa telebisyon, ngunit ngayong tapos na ang kanyang seryeng Prinsesa ng City Jail, napagdesisyunan ng aktres na magpahinga muna sa pag-aartista upang maglaan ng oras para sa kanyang pamilya, lalo na sa kanyang anak na si Olivia.
“Hindi ko sinasabing ayoko na sa showbiz, pero sa ngayon, gusto ko muna yakapin ang role ko bilang nanay. Hindi ko na mababalikan ang mga panahong lumalaki si Olivia, kaya gusto kong nandoon ako,” — Beauty Gonzalez.
Sa isang panayam, inamin ni Beauty na nararamdaman na niya ang epekto ng burnout sa sunod-sunod na trabaho.
“Happy ako, pero at the same time, parang kailangan ko rin talagang magpahinga. Naramdaman ko na. Siguro totoo rin yung sinasabi nilang na-burnout,” ani ng aktres.
Matapos ang pitong buwan mula nang ipanganak si Olivia, agad na bumalik sa trabaho si Beauty. Ngayon ay gusto na niyang bumawi sa oras na hindi niya agad naibigay bilang isang ina.
“Kung kailan ako naging nanay, saka ako sunod-sunod ang trabaho. Kaya ngayon gusto ko naman maging nanay muna, magpahinga, at magbigay ng quality time kay Olivia,” dagdag niya.
Bagamat bukas pa rin siya sa mga bagong proyekto, nilinaw ni Beauty na sa ngayon ay prayoridad muna niya ang kanyang pamilya. Isa itong desisyong hinangaan ng marami, lalo na ng mga kapwa ina at tagahanga.
Sa gitna ng kasikatan at kabisihan sa mundo ng showbiz, pinatunayan ni Beauty Gonzalez na ang pamilya pa rin ang higit na mahalaga. Sa kanyang pasya na pansamantalang huminto sa pag-aartista upang bigyan ng atensyon ang pagiging ina, pinakita niya na ang pagiging artista ay hindi hadlang sa pagiging isang responsableng magulang.
Sa panahon kung saan ang tagumpay ay madalas nasusukat sa dami ng proyekto, pinapaalala ni Beauty na ang tagumpay ay nasusukat din sa kalidad ng relasyon sa pamilya at oras na inilalaan sa mahal sa buhay.
Walang komento:
Mag-post ng isang Komento