Hindi na mapipigilan ang patuloy na pag-arangkada ng tambalang KathDen, ang pinakabagong powerhouse duo sa industriya ng showbiz. Kasunod ng tagumpay ng kanilang pelikulang “Hello, Love, Again”, muli nilang pinatunayan ang lakas ng kanilang tambalan sa pamamagitan ng kanilang Bench Billboards, na ngayon ay kinagigiliwan ng kanilang mga tagahanga sa buong bansa.
Ipinakilala ng Bench, isa sa mga nangungunang fashion brands sa Pilipinas, ang tambalang KathDen bilang bagong mukha ng kanilang kampanya. Ang mga billboards na itinayo sa mga prominenteng lugar tulad ng EDSA, Ayala Avenue, at iba pang pangunahing kalsada, ay nagpapakita ng effortless style, confidence, at chemistry nina Kathryn Bernardo at Alden Richards.
Makikita sa kanilang billboards ang mala-glamorous na konsepto na sumasalamin sa modernong Pilipino: elegante ngunit relatable. Ang bawat larawan ay nagdadala ng mensahe ng kasiyahan, empowerment, at pagiging iconic—isang salamin ng kanilang naging karakter sa kanilang box-office hit na pelikula.
Hindi maitago ng mga fans ang kanilang tuwa sa pagkakaroon ng tambalang KathDen bilang bahagi ng isang malaking kampanya. Sa social media, bumaha ang mga post ng fans na nagkukuwento kung paano nila hinangaan ang mga billboards nina Kathryn at Alden. Narito ang ilan sa mga reaksyon:
“Grabe ang visuals! Ang lakas maka-power couple ng KathDen! Bagay na bagay sa kanila ang Bench campaign.”
“Kahit saan ka lumingon, may KathDen billboard. Talagang hindi mapipigilan ang kasikatan nila!”
“Masarap maging fan ng KathDen. Ang dami nilang blessings, at deserve nila lahat ng ito!”
May ilan ding fans ng KathNiel at AlDub na nagsabing masaya silang makita sina Kathryn at Alden na nagkakaroon ng ganitong tagumpay bilang mga indibidwal na artista.
Walang komento:
Mag-post ng isang Komento