Sa taping ng FPJ: Batang Quiapo, nagparamdam si Jaclyn Jose, ayon kay Coco Martin. Noong ika-3 ng Marso 2024, kumalat ang balitang pumanaw na ang mahusay na aktres na si Jaclyn Jose sa edad na 59. Iniulat ng ilan na nadulas at nahulog umano siya, na sanhi ng kanyang pagkamatay.
Gayunpaman, ayon sa imbestigasyon ng pulisya, hindi ito ang tunay na dahilan ng kanyang kamatayan; heart attack ang naging sanhi ng kanyang pagpanaw. Isa si Coco Martin sa mga artista na pumunta sa tahanan ni Jaclyn Jose nang mapabalitang pumanaw ito, kasama ang kapwa nila artista na si Cherry Pie Picache, na malapit sa puso ni Jaclyn Jose.
Bago ang kanyang pagpanaw, may mga pagpaparamdam na raw si Jaclyn Jose habang sila ay nasa taping ng Batang Quiapo. Sa mensahe ni Coco Martin sa unang gabi ng burol ni Jaclyn Jose, ibinahagi niya ang mga pagpaparamdam na iyon bago ang pagkamatay ng aktres. Naalala ni Coco Martin ang kanilang eksena sa Batang Quiapo, kung saan huling taping nila ito kasama si Jaclyn Jose na nagpapaalam na bilang Chief Espinas.
Sinabi ni Coco Martin na napakalungkot ng aktres sa set sa kanilang huling eksena, na para bang nagpapaalam na siya sa kanyang mga mahal sa buhay. Madalas din daw siyang yakapin ni Jaclyn Jose na tila ba may mensahe ito na ibig ipahiwatig. Noong Linggo ng gabi, nang malaman nilang wala na si Miss Jaclyn, agad silang pumunta ni Cherry Pie sa kanyang tahanan.
Labis na ikinagulat nila ang pangyayaring ito. Tinitingala ni Coco Martin si Miss Jaclyn bilang isang ina sa industriya, kaya't hanggang ngayon ay labis ang kanyang lungkot sa pagpanaw nito. Mararamdaman din daw ang lungkot sa set ng Batang Quiapo dahil sa biglaang pagkawala ng kanilang minamahal na aktres. Taos-puso naman ang pasasalamat ni Coco Martin sa pagmamahal at pagpapahalaga ni Miss Jaclyn sa kanya sa loob ng industriya.
@kingcocomartin Ang sakit! Bye Chief… 🥺🕊️🤍 #cocomartin #jaclynjose #chiefespinas #RIP #batangquiapo #fyp #foryoupage #foryourpage #fy #foryou #fypph ♬ original sound - Mark
Walang komento:
Mag-post ng isang Komento