Inamin ni Rep. Antonio Tinio na wala na silang magagawa kung desidido na ang Kamara na ibasura o “patayin” ang impeachment complaint na inihain laban kay Pangulong Ferdinand Marcos Jr.. Ayon kay Tinio, malinaw na ang direksyon ng mayorya at iyon ang realidad ng pulitika sa loob ng Kongreso.
Bagama’t mabigat, iginiit ng mambabatas na tatanggapin nila ang naging desisyon ng Kamara, kahit pa hindi ito ang inaasahan o ninanais ng kanilang hanay.
Sa kabila ng pagkadismaya, iginiit ni Tinio na mahalagang igalang ang proseso ng Kongreso. Aniya, ang demokrasya ay hindi palaging nagbibigay ng panalong resulta sa panig na mas maingay o mas moral sa kanilang paniniwala madalas, ang nananalo ay ang may hawak ng kapangyarihan.
Walang komento:
Mag-post ng isang Komento