Iginiit ni dating ACT Teachers party-list Rep. France Castro na isang mabuting tao si dating House Speaker Martin Romualdez. Ayon kay Castro, taliwas sa mga negatibong isinasangkot sa pangalan ni Romualdez, may personal siyang karanasan na nagpapakita ng kabutihang-loob at malasakit ng dating lider ng Kamara.
Ayon kay Castro, kung tutuusin ay marami na siyang natulungan, kabilang na siya mismo. Para sa dating mambabatas, mahalagang kilalanin na may mga politiko ring gumagawa ng mabuti nang hindi ipinangangalandakan, at kadalasan ay natatabunan ito ng maiingay na akusasyon.
Binigyang-diin ni Castro na hindi lang siya basta nagsasalita mula sa opinyon, kundi mula sa aktuwal na karanasan. Aniya, si Romualdez ay isang taong hindi mailap sa tao, handang makinig, at bukas tumulong lalo na sa mga nangangailangan ng suporta sa loob ng Kongreso.
Walang komento:
Mag-post ng isang Komento