Nagpahayag ng matinding pagkadismaya si Akbayan Representative Chel Diokno matapos umanong ipakita ng Malacañang ang pag-aatubili na i-certify as urgent ang mga panukalang batas na layong palakasin at gawing mas permanente ang mandato ng Independent Commission for Infrastructure (ICI).
“Kung talagang seryoso ang Malacañang sa laban kontra korapsyon, bakit ayaw nitong gawing agarang prayoridad ang batas na magpapalakas sa ICI?” -Rep. Chel Diokno
Ayon kay Diokno, nakakabahala ang ganitong posisyon ng Palasyo lalo na kung ang ipinaglalaban ay integridad, transparency, at accountability sa gitna ng mga kontrobersiyang umiikot sa mga flood control at infrastructure anomalies.
Ipinaliwanag ni Palace Press Officer Claire Castro na ang pag-aatubili ng Malacañang ay dahil posibleng mag-overlap o maging redundant ang ICI sa mga umiiral nang ahensya tulad ng: Office of the Ombudsman at Department of Justice
Pero para kay Diokno, hindi ito sapat na dahilan para pigilan ang pagpasa ng batas. Ang ICI, aniya, ay may natatanging mandato: tutukan ang katiwalian sa infrastructure, isang sektor na paulit-ulit nang nababalot ng anomalya at pinakamaraming nasasangkot na pondo.
Ang banggaan sa pagitan nina Chel Diokno at Malacañang ay nagbubukas muli ng malaking tanong sa publiko: Gaano ka-sincere ang administrasyon sa laban kontra korapsyon.
Habang naninindigan ang Palasyo na redundancy ang isyu, iginiit ni Diokno na ang usapin ay mas malalim: transparency, urgency, at tapang upang harapin ang mga anomalya sa infrastructure sector.
Walang komento:
Mag-post ng isang Komento