Nagbigay ng malinaw na pangako si Ombudsman Crispin Remulla sa taumbayan na hindi siya titigil sa pagtatrabaho para makamit ang hustisyang matagal nang hinihingi ng mga Pilipino. Sa dami ng isyu ng korapsyon, palakasan, at abuso sa kapangyarihan, mabigat ang ganitong salita lalo na galing sa opisyal na nakaupo mismo sa Office of the Ombudsman.
"Hangga’t ako ang nakaupo sa Office of the Ombudsman, maninindigan ako para sa hustisya na matagal nang hinihintay ng taumbayan.” -Ombudsman Crispin Remulla
Matagal nang ramdam ng mga ordinaryong Pilipino ang pakiramdam na mas mabilis parusahan ang mahihirap at maliliit kaysa malalakas at may koneksyon. May mga kasong tumatagal nang taon, may mga isyung parang nababaon habang tumatagal ang ingay. Sa ganitong sitwasyon, ang pangako ni Remulla ay nagiging sukatan kung kaya niyang banggain ang sistema na sanay sa mabagal na hustisya at dobleng pamantayan.
Walang komento:
Mag-post ng isang Komento