Isang linya ang muling gumising sa damdamin ng publiko at nagpabaga sa mga balita sa bansa: “What the president wants, he gets.”
Ito umano ang huling habilin ni dating House Speaker Martin Romualdez sa kanyang matalik na kaibigan na si dating Congressman Zaldy Co, bago sumabog ang kontrobersiya sa ₱100 bilyong budget insertion scandal na ngayon ay nagdudulot ng pagkakahati ng opinyon sa sambayanang Pilipino.
Ayon sa mga ulat, si Zaldy Co ay binigyan umano ng utos ni Romualdez na magsagawa ng malalaking “insertion” sa pambansang budget pera na dapat sana ay para sa mga proyekto ng gobyerno, ngunit pinaniniwalaang nakurakot at pinaghati-hatian ng ilang opisyal bago sila nagturuan at naglaglagan sa publiko.
Ang nasabing pahayag ay nagmula sa umano’y confession video ni dating Congressman Zaldy Co, kung saan sinabi niya na mismong si Romualdez ang nag-utos sa kanya na isagawa ang budget insertion sa ilalim ng utos ni Pangulong Ferdinand Marcos Jr.
Ayon kay Zaldy, ang pondo ay inilaan sa mga proyektong flood control at infrastructure ngunit marami sa mga ito ay ghost projects lamang o hindi naman talaga naisakatuparan.
Habang patuloy na umiinit ang imbestigasyon, hati ang taumbayan sa kanilang pananaw. May mga naniniwala na hindi sangkot ang Pangulo, at sinasabing ginagamit lamang siya ng mga tiwaling opisyal sa paligid niya.
Ngunit may iba namang nagsasabing imposibleng hindi alam ni Marcos ang ganitong kalaking transaksyon, lalo’t kinakailangan ang pirma ng Pangulo sa final approval ng national budget.
Dahil sa lumalalim na isyu, nananawagan ang mga mamamayan at ilang senador ng malinaw na imbestigasyon at transparency sa paggamit ng pondo ng bayan. Marami ang naniniwala na kung totoo ang sinabi ni Zaldy Co, dapat managot ang lahat kahit pa Pangulo o Speaker.
Ang katagang “What the president wants, he gets” ay nagsilbing simbolo ng kapangyarihan, ngunit ngayon, ito rin ang nagbukas ng pintuan para kuwestiyunin ang moralidad at kredibilidad ng liderato.
Walang komento:
Mag-post ng isang Komento